With Cornwall For Cornwall

Gans Kernow Rag Kernow

Westholme, Alexandra Road,

Penzance, Cornwall, TR18 4LY

Tel: 01736 331961 Email: info@cornish-pirates.com

Upcoming Fixture
Bedford Blues
VS
Cornish Pirates
saturday, 23 March, 2019
15:00

Greene King IPA Championship Rd 18, Goldington Road

Gans Kernow Rag Kernow...

Community

The spearhead of Rugby & Development across Cornwall

Cornish Language

Yeth Kernewek

An Vorladron Gernewek – The Cornish Pirates

Rag Kernow Gans Kernow – With Cornwall For Cornwall

The Cornish Language Partnership was set up in 2005 to oversee the implementation of the Cornish Language Development Strategy.

The Partnership includes language organisations, local authorities and a number of other organisations who have come together with the aim of promoting Cornish and developing it further in Cornish life.

The programme of work it is undertaking is funded by the Department for Communities and Local Government and by Cornwall Council.

www.magakernow.org.uk

An Vorladron Gernewek e. Rudhyon Jersenys.

Pan wrello Arlodhes Luk mires orth an Vorladron yn faverus? Henn yw an tressa gam an seson ma a wrussons i kelli der unn poynt. An Vorladron a’s teva an kynsa chons dhe gemeres an led wosa spal res dhedhi wos 9 mynysen, mes Will Cargill o ansewen gans y bot. Jersenys o an kynsa dhe skorya pan wrussons i kavos assay wosa 20 mynysen. Yn unn sewya lewyas linen duch ansewen y’n 22 an Vorladron, aga higer a omderras ‘mes hag yn unn dhelivra an bel dhe’n hanter skyrmys, ev a skoryas y’n gornel. An treylyans a godhas a-dherag an peulyow -0-5. An Vorladron a worthybis ogas ha distowgh pan wrug Tom Duncan a guntellas an bel dhyworth sel an skyrmys ha wosa danvon an bel yn ledan, ev a gemeras an bel arta hag a dhros an skor egwal gans assay y’n gornel. An dro ma, Will Cargill o sewen gans an treylyans kales – 7-5, an pyth o hwath an skor dhe hanter-termyn.

A-varr y’n nessa hanter yth esa dew jons rag an Vorladron dhe ystynna aga led, pan veuns i pewashes 2 spal yn yn-dann 4 mynysen, mes yn lakka prys Will Gargill a fyllis gans dhew – dew assay dell yw usys a via es lowr ragdho. Nyns esa chanj vyth y’n skor bys pan entras kyns Vorlador y’n batel, Aaron Penberthy, neb a wrug, ogas ha distowgh, seweni gans pot spal dhyworth 40 meter – 7-8. An Vorladron a besya settya orth an Rudhyon mes hag i y’n 80ns mynysen yn aga 22, i a knoukyas an bel yn-rag, ha dhyworth an skyrmys, Jersenys a botyas an bel ‘mes an park hag oll o gorfennys. Skor finel, An Vorladron Gernewek 7, Rudhyon Jersenys 8, gans unnweyth arta, travydh marnas unn poynt rag an Vorladron.

The Cornish Pirates v. Jersey Reds

When will Lady Luck look favourably on the Pirates? That’s the third game this season which they have lost by one point. The Pirates had the first chance to take the lead after they were given a penalty after 9 minutes, but Will Cargill was unsuccessful with his kick. Jersey were the first to score when they had a try after 20 minutes. Following an unsuccessful line-out drive in the Pirates’ 22, their hooker broke away and passing the ball to the scrum half, he scored in the corner. The conversion fell in front of the posts – 0-5. The Pirates replied almost immediately when Tom Duncan gathered the ball from the base of the scrum and after sending the ball wide, he received the ball again and brought the scores equal. This time Will Cargill was successful with the difficult kick – 7-5, which was still the score at half-time.

Early in the second half there were two chances for the Pirates to extend the lead, when they were awarded two penalties in under 4 minutes, but unfortunately Will Cargill failed with both – two attempts which usually would be easy for him. There was no change in the score until former Pirate Aaron Penberthy entered the battle, who, almost immediately, succeeded with a penalty kick from 40 metres – 7-8. The Pirates continued to attack the Reds and in the 80th minute in their 22, they knocked the ball on, and from the scrum, Jersey kicked the ball off the field and it was all over. Final score, The Cornish Pirates 7, Jersey Reds 8, with once again nothing more than one point for the Pirates.

Nottingham e. An Vorladron Gernewek.

Wosa kavos lies brew an seythen kyns y’n fyt erbynn Ealing, yth esa meur a janyow y’n para. An Vorladron a dhallathas yn ta ha wosa 3 mynysen Dan Frost a veu lewyes dres an linen. Nottingham, byttegyns, a dhehweles ha gwaynya spal dhe wul an skor 3-5. Mes wosa korden a spalyow res dhe-ves gans an Vorladron, Nottingham a skoryas aga hynsa assay – 8-5. Dell heveli an dhew bara re bia ow kolya para Pow an Sowson drefen i dhe dhallath batel a botyans. Nottingham ynwedh a ros dhe-ves nebes spalyow ha’n Vorladron a dhros an skor egwal dre votasen Will Cargill. Ena Nottingham a skoryas nessa assay gans tamm settys hag a veu sewyes yn skon gans tressa yn unn sewya gwayans pot ha helghya. Gans an skor dhe 20-8, an Vorladron a omsettyas erbynn Nottingham heb let hag i a veu pewashes wosa 42 mynysen pan veu Dan Frost lewyes dres an linen ynwedh arta – 20-15.

Dhe dhalleth a nessa hanter, Nottingham a dhallathas gwedhra yndann gwask ha’n Vorladron neb a dhegeas an aswa gans spal dhe wul an skor 20-18. Ena an Vorladron a vethrynas gam ponya ha gwaynya spal y’n gornel. Nottingham a dhefendyas yn-ta ha’n Vorladron a ros dhe-ves dew spal gans Nottingham ow tos ogas dhe skorya ken assay. Kyn whrug an Vorladron gwitha an bel dres brassa rann an termyn, Nottingham a omsynsas fast ha’n gam a godhas nebes a ‘hedh-dalleth’. Heb skor pella, henna o fatel wrug an gam gorfenna – Nottingham 20, an Vorladron 18, gans unn poynt mas dhe dhri tre.

Nottingham v the Cornish Pirates

After picking up many injuries the week before in the match against Ealing, there were a lot of changes in the team. The Pirates started well and after 3 minutes Dan Frost was driven over the line. Nottingham, however, came back and won a penalty to make the score 3-5. But after a string of penalties given away by the Pirates, Nottingham scored their first try – 8-5. It seemed that both teams had been watching the England team as they started a kicking battle. Nottingham also gave away penalties and the Pirates brought the scores level through the boot of Will Cargill. Nottingham then scored a second try with a set piece move which was quickly followed by a third following a kick and chase. With the score at 20-8, the Pirates attacked Nottingham relentlessly and they were rewarded after 42 minutes when Dan Frost was once again driven over the line – 20-15.

At the start of the second half, Nottingham began to wilt under the Pirates’ pressure, who closed the gap with a penalty to make the score 20-18. Then the Pirates adopted a running game and won a penalty in the corner. Nottingham defended well and the Pirates conceded two penalties with Nottingham coming close to scoring another try. Although the Pirates held the ball for much of the time the Nottingham defence held fast and the game became somewhat ‘stop-start’. Without any further score, that is how the game finished, Nottingham 20, the Pirates 18, with one point to bring home.

Ealing e. An Vorladron Gernewek

Wosa an sewyans an bennseythen eus passys, an Vorladron a via ow hwilas neppyth dyffrans hag y heveli hemma dhe hwarvos wosa Dan Frost dhe skorya an kynsa assay, hag a veu sewyes 5 mynysen awosa gans assay gans o’Meara – 0-14. Ealing a worthebis dhe dhegea an aswa, 5-14. Wosa an Vorladron dhe ri dhe-ves linen duch omsettya, Ealing a bonyas yn-mes aga 22, mes delivrans a veu kontrewaytyes gans Robin Wedlake dhe wul an skor 5-21. Ena Ealing a’n gwrug 12-21, ha tamm awosa i a dhegeas an aswa dre lewyas yn unn sewya linen duch – 19-21. Lemmyn terros! Wosa gwask gans Ealing, Skinner a dhegemeras karten velyn ha dyworth an spal, Ealing eth yn-rag 22-21. Ha lemmyn yth esa ken karten velyn – an dro ma rag John Stevens hag Ealing a skoryas aga feswara assay dhe dhri an skor dhe 27-21 dhe hanter-termyn.

Wosa hanter-termyn, Ealing a skoryas assay a-varr – 34-21. Ny wrug an Vorladron omri, hag i a skoryas gans assay a wrug an skor 34-26. Gans 15 arta yn para an Vorladron, pyth a yllens i gul? Byttegyns an Vorladron a hebkoras assay hag a veu treylys gans kyns Vorlader May – 41-26. Ealing ena a asas kler ha skorya yn-dann an peulyow – 48-26, gans menydh dhe yskynna lemmyn rag an Vorladron. Kyn hwrug Ealing ynkressya aga skor dhe 53-26, an Vorladron a besya batalya hag omgavos 5 meter dhyworth an linen Ealing, mes Ealing a dhefendyas yn-ta ha klerhe aga linen. An Vorladron a omsettyas arta, mes an moy a wrug an Vorladron assaya, an moy a wrug Ealing kavos ygeryansow hag erbynn leun termyn i re skorsa ken assay dhe wul an skor 58-26. Gwayn pur dha rag Ealing, mes ny wrug an Vorladron omshamya.

Ealing v. The Cornish Pirates

After the previous week-end’s result the Pirates would be looking for something different and it seemed that this was going to happen after Dan Frost scored the first try, which was followed 5 minutes after with a try by o’Meara – 0-14. Ealing replied to close the gap, 5-14. After the Pirates were turned over following an attacking line-out, Ealing ran the ball out of their 22 but a pass was intercepted by Robin Wedlake to make the score 5-21. Then Ealing made it 12-21, and a little while afterwards they closed the gap through a line-out drive – 19-21. Now disaster! After Ealing pressure, Skinner a received a yellow card and from the penalty, Ealing went ahead 22-21. And now there was another yellow card – this time for John Stevens, and Ealing scored their fourth try to bring the score to 27-21 at half-time.

After half-time, Ealing scored an early try – 34-21. The Pirates did not give up, and they scored a try which made the score 34-26. With 15 again in the Pirates’ side, what could they do? However, the Pirates conceded a try which was converted by ex-Pirate May – 41-26. Ealing then broke clear and scored under the posts – 48-26, with a mountain to climb now for the Pirates. Although Ealing increased their score to 51-26, the Pirates continued to fight, and found themselves 5 metres from the Ealing line, but Ealing defended well and cleared their line. The Pirates attacked again, but the more the Pirates tried, the more did Ealing find openings and by full time they had scored another try to make the score 58-26. A very good win for Ealing, but the Pirates did not disgrace themselves.

An Vorladron Gernewek e. Ealing

Kyn feu Ealing delatyes drefen aga hocha dhe wodhevel kudynnow kist-vaglen, dell hevel ny wrug hemma effeythya aga gwari war an park. I a dhallathas yn krev ha res o dhe’n Vorladron defendya heb let dres an kynsa 5 mynysen. Byttegyns, Ealing a ros dhe-ves spal ha’n Vorladron a allsa klerhe aga linen. Lemmyn an Vorladron a dheuth y’n gam, mes yth o Ealing a skoryas kynsa y’n gornel gans assay treylyes, 0-7. Unnweyth arta an Vorladron a dhallathas omsettya yn ta ha pan wrug A J Cant skorya y’n Gornel wosa chasya kruppyyer perfydh gans Alex Day, yth esa prederow a voy dhe dhos – kyns oll pan veu hemma sewyes yn skon gans pot spal gans Harvey Skinner dhe dhri an skor dhe 8-7. Yth esa gwaytyans y fia hemma an skor dhe hanter termyn, mes Ealing a’n jeva tybyansow dyffrans ha gans an diwettha gwari, i a skoryas yn-dann an peulyow – 8-14 dhe hanter-termyn.

Ny wrug hemma distrui spyrysyon an Vorladron rag i a dhallathas an nessa hanter yn ta, mes ny yllens skorya – i a gollas kopel a linennow-tuch ha defens Ealing o anpossybyl dhe derri. Mes unnweyth arta Ealing a dhrehevys an gwask ha skorya aga thressa assay yn-dann an peulyow gans aga hanter skyrmys bewek ha gohelus – 8-21. Hwath an Vorladron a besya omsettya, ha hwath ny yllens dialhwedha an defens Ealing, hag ena gans 10 mynysen gesys, Ealing a gavas aga feswara assay ha’n poynt mas, skoryes ynwedh arta gans aga hanter skyrmys. Nyns esa chons lemmyn gwaynya an fyt, mes an Vorladron a besya batalya gans gwaytyans kavos neppyth ‘mes an gam, mes ny wrug hemma hwarvos ha’n gam a worfennas, An Vorladron Gernewek 8, Ealing 28. Ny yll bos dadhel, rag an jydh Ealing o an para gwella, hag a dhendilas aga gwayn.

The Cornish Pirates v. Ealing.

Although Ealing were delayed through their coach suffering gear box problems, it did not appear to affect their play on the field. They started strongly and the Pirates had to defend without a break for the first five minutes. However, Ealing gave away a penalty and the Pirates were able to clear their line. Now the Pirates came into the game, but it was Ealing who scored first in the corner with a converted try, 0-7. Once again the Pirates started to attack well and when A J Cant scored after chasing a perfect grubber by Alex Day, there were thoughts of more to come – particularly when this was quickly followed by a penalty by Harvey Skinner to bring the score to 8-7. There were hopes that this would be the score at half-time, but Ealing had different ideas and with the last play, they scored under the posts – 8-14 at half-time.

This didn’t destroy the Pirates’ spirits as they started the second half well, but they could not score – they lost a couple of line-outs and the Ealing defence was impossible to break. But once again Ealing mounted the pressure and scored their third try under the posts by their lively and elusive scrum half – 8-21. Still the Pirates continued to attack and still they could not unlock the Ealing defence, and then with 10 minutes left, Ealing had the fourth and bonus point try, scored again by their scrum half. There was no chance now of winning the match, but the Pirates fought with the hope of getting something out of the game, but this wasn’t to be and the game finished, The Cornish Pirates 8, Ealing 28. There can be no argument, on the day Ealing were the better side and deserved their win.

Richmond e. An Vorladron Gernewek

Kynsa pot, ha meni skoedhyoryon an Vorladron o seulabrys yn lev da – Rewgh dhymm P!!! Richmond a dhallathas yn krev ha wosa 15 mynysen spal dhe’n gornel a sewyas gans assay. Matt Bolwell ena a dhalghennas gwarior y’n ayr ha degemeres powes y’n trog drog. Dhyworth an spal, Richmond a botyas arta troha’n gornel ha gans nessa omdowl rolya dhyworth 20 meter, a gemeras aga led dhe 10-0. An Vorladron a worthebis ha Josh Caulfield a omsettyas dres 40 meter a-hys an park yn unn gemeres 2 dhefendyer ganso dres an linen assay. 10-5. Richmond a ventenas an gwask mes an Vorladron a dhefendyas yn ta kyns dendil spal potadow dh’y wul 10-8. Hemma o dell remaynyas ev dhe hanter-termyn, hag o sewyans hweg a wari gans an Vorladron yn unn worfenna an hanter krevva an dhew.

Richmond a dhallathas gwaynya tir y’n nessa hanter bys pan sonas an Vorladron chanjyow ha treylya yn-bann maglen. An Vorladron a waynyas spal potadow dhyworth 35 meter, mes ev eth ledan. Richmond a botyas yn town ha Moyle orth y guntel, a bonyas 60 meter yn 22 an enebieth. Richmond ena a dhehwelis an pot dh’agan 22 rag linen duch dhe’n Vorladron. An Vorladron a worthebis y’n keth maner ha gwaynya linen duch omsettya, 5 meter dhyworth an linen Richmond. ASSAY! 10-13 dhe’n Vorladron gans 20 mynysen gesys. Y heveli y fia gam tynn, gans meni an Vorladron yn lev leun. An Vorladron a botyas spal dhe’n gornel rag omdowl rolys mes i a’n ros dhe-ves. Yth esa an Vorladron owth omjersya spas purpur ha Moyle eth dres an linen dh’y wul 10-18. Prederow a wayn lemmyn a dreylyas dhe brederow a poynt mas 4-assay. Byttegyns, ny wrug Richmond omri – nyns o gorfennys hwath, mes an Vorladron a worfennas an gam yn-dann gol leun gans Moyle ow skorya an asaay poynt mas. Hag yndella y hworfennas – 10-23 ha 5 poynt. Splann!

Richmond v. The Cornish Pirates.

Kick off, and the Pirates’ crew supporters already in full voice – Give me a P!!! Richmond started strongly and after 15 minutes a penalty to the corner resulted in a try. Mat Bowell then tackled a player in the air and took a rest in the sin bin. From the penalty, Richmond kicked another to the line and a second driving maul from 20 metres took their lead to 10 – 0. The Pirates responded and Josh Caulfield stormed 40m up-field taking 2 defenders with him over the try line. 10 -5. Richmond kept the pressure on but the Pirates defended well before earning a kickable penalty to make it 10 -8. This is how it remained at half time, which was a fair reflection of play with the Pirates ending the half the stronger of the two.

Richmond started to edge the second half until the Pirates rang the changes and rack the game up a gear. The Pirates won a kickable penalty from 35m out but it drifted wide. Richmond kicked deep and Moyle gathering, ran 60m to the opposition 22. Richmond then returned a kick to our 22 for a Pirates lineout. The Pirates replied in kind and won an attacking lineout 5 m from the Richmond line. TRY! 10 -13 to the Pirates with 20 minutes to go. It was going to be close, with the Pirates crew in full voice. The Pirates kicked a penalty to the corner for an attacking maul but get turned over. The Pirates were going through a purple patch and Moyle went over to make it 10 -18. Thoughts of a win now turned to thoughts of a 4-try bonus point. However, Richmond didn’t give up – it was not over yet, but the Pirates ended the game under full sail with Moyle scoring the bonus point try. And so it ended – 10-23 and 5 points. Brilliant!

Rudhyon Jersenys e. An Vorladron Gernewek

An Vorladron a wodhya y fia kales an fyt ma, kyns oll drefen na wrussens i gwaynya dhe Jersenys rag ogas ha hwegh bledhen. A wrussens i y wul an dro ma? An Vorladron a dhallathas yn ta hag yth o Kyle Moyle anfeusik slynkya hag ev owth omsettya erbynn an linen. Jersenys a veu pewashes spal hag a botyas dhe’n gornel. An kynsa lewyas a veu synsys, mes i a veu pewashes skyrmys may whrug aga askellor skorya y’n gornel. 7-0. Skon wosa hemma Alex o’Meara ha peuler Tom Concu a veu arlehes gans A J Cant ha Christian Judge, neb esa ow kwari y gynsa fyt wosa dehweles war brest dhe Saracens. Jersenys a besya omsettya yn krev mes defens an Vorladron a synsa fast. Troha hanter-termyn, An Vorladron a ynkressyas an gwask hag yn unn sewya spal pewashes erbynn Jersenys, An Vorladron a dhewisis rag pot orth an gol hag Alvarez a dreylyas yn sewen dhe wul an skor 7-3 dhe hanter-termyn.

Y’n nessa hanter, an gwari o tynn ha nyns o kyns an merk our bos an bord-skorya troblys , pan wrug Jersenys treylya spal dhe ynkressya aga led dhe 7 poynt arta. Lemmyn yth o tro an Vorladron ha skon wosa an skor ma i a settyas omdowl rag an linen may hwrussons i yn ogas skorya. An Vorladron a besyas lewya rag an linen, gans an breusyas on sinella prow spal. Byttegyns, ny veu res an spal awos Toby Freeman dhe lewya dres an linen rag assay treylyes. 10-10. Gans an termyn ow reseg ‘mes, Jersenys o sewen gans spal, 13-10. A allsa an Vorladron gorthebi? Heb mar. An bel a veu delyvrys yn uskis dhyworth skyrmys ha Dan Koster a neyjas dres an linen dhe ri an Vorladron an led. Alvarez a‘n treylyas yn sewen dhe weles an skor finel, Rudhyon Jersenys 13, An Vorladron 17, hag le y’n hanter-finel.

Jersey Reds v. The Cornish Pirates.

The Pirates knew that this would be a tough match, especially as they had not won at Jersey for almost six years. Would they do it this time? The Pirates started well and Kyle Moyle was unfortunate to slip when attacking the line. Jersey Reds were awarded a penalty and kicked for the corner. The initial drive was held was held, but they were awarded a scrum from which their winger scored in the corner. 7-0. Soon after Alex O’Meara and prop Tom Concu were replaced by AJ Cant and Christian Judge, playing his first match on return from loan to Saracens. Jersey continued to attack strongly but the Pirates’ defence held firm. Towards half-time, the Pirates turned on the pressure and following a penalty awarded against Jersey, the Pirates opted for the posts and Alvarez successfully converted to make the score 7-3 at half-time.

In the second half, play was close and it was not until the hour mark that the scoreboard was troubled, when Jersey converted a penalty to increase their lead again to 7 points. Now it was the Pirates’ turn as shortly after this score, they set up a driving maul which almost provided a score. The Pirates continued to drive for the line, the pressure from which saw a penalty advantage coming. However, the penalty was not given as Toby Freeman drove over for a converted try. 10-10. With time running out, Jersey gained a long-range penalty which was successfully converted – 13-10 to Jersey. Could the Pirates answer? Of course. The ball was very quickly released from a scrum and Dan Koster flew over the line to give the Pirates the lead. Alvarez successfully converted to see the final score Jersey 13, The Cornish Pirates 17, with a place in the semi-final.

An Vorladron Gernewek e. Hartpury

Dydh pur wynsek a welas nebes chanjyow dhe’n para, gans Tom Concu ow kavos y gynsa dalleth y’n Gampyorieth. An Vorladron a dhallathas yn ta, mes yth o Hartpury a worras an kynsa poyntyow war an bord gans spal. Nyns o pell byttegyns kyns an Vorladron dhe skorya aga hynsa assay, an pyth, der an gwyns krev, ny alsa Alvarez treylya. 5-3 dhe’n Vorladron. Gans an gwari ow mos a benn dhe benn, yth o Hartpury hag a skoryas nessa gans assay yn-dann an peulyow – 5 -10. Arta, An Vorladron a besya gwarthevya ha wosa 25 mynysen i a skoryas aga nessa assay, an pyth arta ny ylli Alvarez treylya awos an gwyns. Yth esa An Vorladron lemmyn ow kul brassa rann an omsettyans mes ny yllens i terri an linen Hartpury, mes poran dhe hanter termyn i a waynyas spal yn ewn a-dherag an peulyow. I a skonyas an pot es ha dewis skyrmys. Dell hwarva, yth o an dewis ewn hag i skoryas yn-dann an peulyow dhe wul an skor dhe hanter-termyn 17-10.

Y’n nessa hanter, An Vorladron a skoryas a-ji dhe’n kynsa mynysen gans assay bryntin dhyworth Kyle Moyle. Gans an Vorladron owth omjersya brassa rann an omsettyans, nyns o pell kyns i dhe skorya arta, an dro ma an assay poynt mas gans Alex Day. Lemmyn gans an skor dhe 27-10, y heveli y hwrussa an Vorladron ystynna pella aga led. Byttegyns, yth esa tybyansow dyffrans dhe Hartpury ha dre fowt sempel an Vorladron i a skoryas aga nessa assay dhe dhegea an aswa – 27-17. Mes an Vorladron a ynkressyas an gwask ha warbynn 75 mynysen yth esa tri assay moy y’n sagh – 41-17. Ny wrug Hartpury omri ha ynwedh arta i a gemeres prow a gammwrians byghan dhe dhri aga skor dhe 24. Lemmyn yth esa chons dhedha kavos poynt mas rag peswar assay, mes ny yllens i y gavos ha gans an bel ow mos marow, henn o penn an gam. Skor finel, An Vorladron 41, Hartpury 24, gans 5 poynt dendilys yn-ta dhe’n Vorladron.

Cornish Pirates v. Hartpury

A very windy day saw a few changes to the team, with Tom Concu having his first start in the Championship. The Pirates started well, but it was Hartpury who put the first points on the board with a penalty. It wasn’t long however before the Pirates scored their first try, which, due to the strong wind, Alvarez was unable to convert. 5-3 to the Pirates. With the play going from end to end it was Hartpury who scored next with a try under the posts – 5-10. Again the Pirates continued to dominate and after 25 minutes they scored their second try, which again Alvarez was unable to convert because of the wind. The Pirates now were doing the best of the attacking but they couldn’t break the Hartpury line, but right on half-time they won a penalty right in front of the posts, but declined the easy kick and opted for a scrum. As it happened, this was the right choice and they scored under the post to make the score at half-time, 17-10.

In the second half, the Pirates scored within the first minute with a superb try from Kyle Moyle. With the Pirates enjoying the best part of the attacking, it wasn’t long before they scored again, this time with the bonus point try from Alex Day. Now with the score at 27-10, it seemed that the Pirates would further extend their lead. However, Hartpury had different ideas and through a simple mistake by the Pirates, they scored their second try to close the gap – 27-17. But the Pirates increased the pressure and by 75 minutes there were three more tries in the bag. Hartpury did not give up and once again they took advantage of a small error to bring their score to 24. Now they had a chance to get a bonus point for four tries, but they were unable to get it and with the ball going dead, that was the end of the game. Final score, The Pirates 41, Hartpury 24, with 5 well-earned points to the Pirates.

Coventry e. An Vorladron Gernewek

Coventry, tre a Arlodhes Godiva, mes a wrussa an Vorladron nothhe an para rugbi Coventry? Yth esa gwaytyans ughel rag gwayn ha gans peuler Marlen Walker ow tehweles dhe’n pymthek dalleth, ha gans y brevyans y’n savla na, yth esa pub huni ow kortos an fytt yn tywysik. A-dherag moy es 2,000 mirer, ha gans an Vorladron ow pewashes kopel a spalyow, i a gemeras an led der an botasen a Javier Rojas Alvarez – 0-3. Ena Coventry a botyas dew spal dhe dhri an skor dhe 6-3. Dres remenant an kynsa hanter yth esa an Vorladron owth omsettya yn ta, ha wosa gwask heb let i a skoryas 11 poynt moy, y’ga mysk assay andrelys gans Kyle Moyle, dhe worra an Vorladron yn-rag 14-6 dhe hanter-termyn.

A wrussa an nessa hanter gweles istori dasleverys pan wrug an myghtern danek Cnut rafna Coventry? Arta an Vorladron o an kynsa dhe skorya dre spal, gans an pot kewar a Rojas Alvarez owth ynkressya an led dhe 6-17. Lemmyn Coventry a dhallathas drehevel nebes gwask, yn mar veur dell wrug an Vorladron kelli den dhe’n trog-drog. Coventry a gemeras prow an koll ma hag a skoryas assay. Gans an skor 11-17 hag 20 mynysen gesys war an klock, yth esa an fytt yn kespos. Yth esa Coventry hwath ow gorra gwask hag orth 75 mynysen, an Vorladron a gomendyas garrow fresk dhe’n park, y’ga mysk Dan Frost, neb esa ow tehweles wosa brew. Byttegyns ny ylli an Vorladron synsi Coventry ha gans koll a gen den dhe’n trog-drog ha le es 2 vynysen gesys, Coventry a skoryas y’n gornel – 16-17. Pub tra lemmyn a grogas war kewarder an pot kales, mes hemm o sewen ha’n fytt a veu sesys gans Coventry. Skor finel, Coventry 18, An Vorladron Gernewek 17. Wosa kemmys ha ober gans an Vorladron, hemm o sewyans pur dhiswaytus.

Coventry v. Cornish Pirates

Coventry, home of Lady Godiva, but would the Pirates lay the Coventry rugby team bare? There were high hopes of a win and with Marlen Walker returning to the starting fifteen, and with his experience in that position, everyone was eagerly awaiting the match. In front of more than 2,000 spectators and with the Pirates being awarded a couple of penalties, they took the lead through the boot of Javier Rojas Alvarez – 0-3. Then Coventry kicked two penalties to bring the score to 6-3. For the remainder of the first half, the Pirates were attacking well, and after continuous pressure, scored 11 more points, including an unconverted try by Kyle Moyle to put the Pirates ahead 6-14 at half-time

Would the second half see history repeated when the Danish king Canute sacked Coventry? Again the Pirates were the first to score through a penalty, with the accurate kick of Rojas Alvarez increasing the lead to 6-17. Now Coventry started to build pressure, insomuch so that the Pirates lost a man to the bin. Coventry took advantage of this loss and scored a try. With the score 11-17 and 20 minutes left on the clock, the match was in the balance. Coventry were still applying pressure and at 75 minutes, the Pirates introduced fresh legs to the field, including Dan Frost who was returning from injury. However the Pirates could not hold Coventry and with the loss of another man to the bin and only 2 minutes left, Coventry scored in the corner – 16-17. Everything now hung on the accuracy of the difficult kick, but this was successful and Coventry had seized the match. Final Score, Coventry 18, The Cornish Pirates 17. After so much hard work by the Pirates, this was a very disappointing result.

Carnegie Pow Evrek e. An Vorladron Gernewek

Sertan yw na veu an gan veurgerys kernewek ‘An Rosen Wynn’ kenys nos Sul wosa an fytt ma! Yn unn sewya gwask a-varr, Carnegie a usyas linen duch dhe furvya omdowl rolya may hwrussens i skorya assay treylys. Yth esa moy a wask, ken assay, ha’n skor lammas dhe 12-0. Yth esa An Vorladron ow kelli re a linennow tuch hag esa ow previ ker. Byttegyns, i a ventenas gwask ha Sam Matavesa a dhegeas an aswa tamm gans assay treylys. Gans an Vorladron ow pesya omsettya, ha tamm kyns hanter-termyn i a dhewisis kemeres pot orth an gol a-dherag an peulyow dhe dhri an skor dhe 12-10.

Y’n nessa hanter, Carnegie a dhallathas yn splann, hag a dhendil spal dhe restorya led a 5 boynt – 15-10. An Vorladron a besya kelli linennow tuch ha Carnegie a besya gwaynya rohow dhe-ves yn unn wul bewnans pur gales rag an Vorladron. Gans 30 mynysen gesys, an Vorladron a gomendyas garrow fresk gans Josh Caulfield ha Tom Duncan ow kasa an park ha Matt Bolwell ha Dan Lee owth entra an bresel. Ena Umaga a gollas spal sempel ha gans an skians dell wra an Vorladron gorfenna gamow yn ta, besyas o krowsys. Mes an Vorladron a ros spal y’n skyrmys ha Carnegie a ynkressya aga skor dhe 18-10. Lemmyn res o dhe’n Vorladron skorya diwweyth. An skoedhyoryon Vorladron o yn lev da y’n stond, ha gans an dhew bara lehes dhe 14 den ha namoy es 5 mynysen gesys, taklow a heveli yeyn. Ena Carnegie a veu lehes dhe 13 den rag falsuri galwesik ha’n Vorladron a dhros an skor dhe 18-13. Yth esa unn ro dhe-ves diwettha rag Carnegie ha henn o penn an gam. Skor finel, Carnegie Pow Evrek 18, An Vorladron Gernewek 13. Linennow tuch kellys, spalyow skyrmys ha knoukyansow yn rag o hwedhel an jydh, mes dhe’n lyha unn poynt mas.

Yorkshire Carnegie v. The Cornish Pirates

It’s certain the popular Cornish song ‘The White Rose’ wasn’t sung on Sunday night after this match! Following early pressure Carnegie used a line out to set up a rolling maul from which they scored a converted try. More pressure, another try, and the score jumps to 12- 0. The Pirates were losing too many line-outs and it proved costly. However, they kept plugging away and Sam Matavesi closed the gap with a converted try. The Pirates continued to attack and just before half time opted for a kick at goal in front of the posts to bring the score to 12- 10.

Carnegie start the second half brightly and earn a penalty to restore a 5 point lead at 15 -10. Pirates continue to lose lineouts and Carnegie continue to make turn overs all of which was making life difficult for Pirates. With 30 minutes left the Pirates introduced fresh legs with Josh Caulfield and Tom Duncan leaving the field and Matt Bolwell and Dan Lee entering the fray. Then Umaga missed a sitter of a penalty, and with the knowledge that the Pirates have a habit of finishing well, fingers were crossed. But the Pirates gave away a scrum penalty and Carnegie increased their score to 18-10. Pirates now need two scores. The Pirates’ supporters are in good voice in the stand, and with both sides down to 14 men and 5 minutes left it looks bleak. The Carnegie are reduced to 13 men for a professional foul and Pirates make it 18 -13. There was one last turn over for Carnegie and that’s how it ended. Final score, Yorkshire Carnegie 18, The Cornish Pirates 13. Lost line outs, scrum penalties and knock-ons were the story of the day. But at least a losing bonus point.

An Vorladron Gernewek e. Albanyon Loundres

Adherag ogas dhe 3,000 virer, Albanyon Loundres a omsettyas a-dhistowgh dhyworth an dalleth ha ny ylli an Vorladron gasa aga hanter rag an kynsa ugens mynysen. Byttegyns, defens an Vorladron o barthusek dres eghen – dell o dres an fytt dien – ha ny vern fatel wrug Albanyon assaya, ny yllens i y derri. War an diwedh wosa 25 mynysen, an Vorladron a ladras an bel hag yn unn oberi aga fordh hys an park, Kyle Moyle a skoryas assay, hag a veu treylyes gans Will Cargill. Albanyon Loundres a besyas omsettya, mes ynwedh arta an Vorladron a gavas an bel hag yn unn sewya niver a agwedhow, Alex o’Meara a skoryas assay andreylyes yn gornel an klubti. An dew bara a besyas omsettya remenant an hanter mes nyns esa skor pella, ha dhe hanter termyn an skor o 12-0 dhe’n Vorladron.

Y’n nessa hanter, yth o an Vorladron esa owth omsettya yn krev, mes kepar ha’n Albanyon y’n kynsa hanter, ny yllens i skorya, kynth esa kopel a jonsyow dhedha. An dhew bara a dewlis pub tra y’n fytt ha diwweyth res o dhe’n breusyas gelwel an dhew gapten war-barth dhe leverel dhedha dhe omgoselhe nebes. Tamm ha tamm byttegyns, an Vorladron a dhallathas rewlya ha gans deg mynysen gesys, yth o apert dell esa an Albanyon ow talleth tevi nebes skwith ha ragwarioryon an Vorladron a dhallathas gwaynya lies spal skyrmys. Wosa onan, Will Cargill a geworras tri foynt moy war an bord-skorya ha dhyworth linen-dewlel nebes mynysen diwettha, Tom Duncan a skoryas aga thressa assay treylyes – 22-0. Gans an termyn ogas dhe 80 mynysen, Albanyon Loundres a oberas aga fordh dhe linen an Vorladron, mes ynwedh arta dre dhefens solid, an Vorladron a waynyas an bel, eth hys an park hag arta wosa linen-dewlel yn unn sewya spal skyrmys, ha down yn termyn keworrys, an peswara assay a veu skorys gans Jack Owlett. Skor finel, An Vorladron Gernewek 27, Albanyon Loundres 0.

The Cornish Pirates v. London Scottish.

In front of nearly 3,000 spectators, London Scottish attacked right from the start and the Pirates never left their half for the first twenty minutes. However the Pirates’ defence was phenomenal – as it was throughout the whole match – and no matter how Scottish tried, they could not break it. Finally after 25 minutes, the Pirates stole the ball and working their way the length of the field, Kyle Moyle scored a try, which was converted by Will Cargill. London Scottish continued to attack strongly, but again the Pirates got the ball and following a number of phases, Alex o’Meara scored an unconverted try in the clubhouse corner. Both teams continued to attack for the remainder of the half but there was no further score, and at half-time the score showed 12-0 to the Pirates.

In the second half, it was the Pirates who attacked strongly, but like Scottish in the first half, they could not score, although they had a couple of chances. Both teams threw everything into the match, and twice the referee had to call the two captains together to tell them to calm down. Gradually however, the Pirates started to dominate and with ten minutes left, it was clear that the Scottish were beginning to tire and the Pirates’ forwards were starting to win a lot of scrum penalties. After one of these, Will Cargill added three more points to the scoreboard and from a line-out a few minutes later, Tom Duncan scored their third try, which was converted – 22-0. With the time almost at 80 minutes, London Scottish worked their way to the Pirates’ line, but once again through a solid defence, the Pirates won the ball, went the length of the field, and again after a line-out following a scrum penalty, and deep into added time, the fourth try was scored by Jack Owlett. Final Score, Cornish Pirates 27, London Scottish 0.

An Vorladron Gernewek e. Godhyli Loundres

An preder a rugbi da ha didhan kyns dalleth an fytt a heveli bos onpossybyl der an gwyns, glaw ha studh poes an park, mes y hwarva dyffrans yn tien es henna. An glaw a omglerhas tamm kyns an breusyas dhe sinella an dalleth ha marnas kowas poes ha gwyns tamm andarganadow y’n kynsa hanter, an fytt o pur dhidhan ha yaswanus. An Vorladron a dhallathas dell wrussons i pesya an fytt dien – orth toeth men, hag a-ji dhe 6 mynysen i a worras an kynsa assay war an bord – meur ras dhe Kyle Moyle. Godhyli Loundres a worthybis ogas ha dhystough dhe gemeres an led 7-5, mes henn o an diwettha tro a wrussens i trobla an bord-skorya. A Vorladron a besya dhe rewlya ha wosa kevres a omsettyansow ogas dhe’n linen, Jack Andrew a omherdhyas dresti ogas dhe’n peulyow dhe wul an skor dhe hanter-termyn, 12-7.

Pub huni a brederi y hwrussa Godhyli Loundres treylya an mosow y’n nessa hanter, mes yth o an Vorladron neb a besya omsettya yn krev hag yn unn sewya kevres a spalyow ha lewyansow aragoryon, Tom Duncan a eth dres an linen dhe wul an skor 19-7 dhe’n Vorladron. Dres remenant an hanter ny vern an pyth a wrug Godhyli Loundres assaya, an Vorladron, der aga dalghenna fers ha maner argasus, a herdhyas Godhyli Loundres a-dhelergh, yn unn dhistrui pub chons esens i owth assaya kreatya. Aga gwaytyans a skor a dhegemeras strokas deg mynysen kyns an penn pan veu kyns Morlader Blair Cowan diskwedhys rudh gans an breusyas rag dalghen ughel ha peryllus. Kynth esa unn chons dhedha skorya kyns penn an fytt, henna a veu difeudhys gans dalghen splann o’Meara. An fytt a worfennas gans gwayn rag an gwella para dres an fytt oll, An Vorladron. Skor finel, An Vorladron Gernewek, 19, Godhyli Loundres 7. Ro Nadelik bryntin rag an warioryon ha’ga skodhoryon.

The Cornish Pirates v. London Irish.

The thought of any good and entertaining rugby before the start of the match seemed impossible due to the wind, rain and heavy state of the ground, but it turned out entirely different to that. The rain stopped just before the referee signalled the start and outside of a heavy shower and an unpredictable wind in the first half, the game was entertaining and thrilling. The Pirates started as they continued throughout the match – at top speed, and within 6 minutes, they put the first try on the board – thanks to Kyle Moyle. London Irish replied almost immediately to take the lead 7-5, but that would be the last time that they troubled the score-board. The Pirates continued to dominate and after a series of attacks on the line, Jack Andrew forced himself over near the posts to make the half-time score 12-7.

Everyone thought that London Irish would turn the tables in the second half, but it was the Pirates who continued to attack strongly and following a series of penalties and forward drives, Tom Duncan went over the line to make the score 19-7 to the Pirates. Over the remainder of the half, no matter what London Irish tried to do the Pirates, through their fierce tackling and aggressive approach, pushed London Irish back, destroying every chance they were trying to create. The hope of a score received a blow ten minutes before the end when former Pirate Blair Cowan was shown red by the referee for a high and dangerous tackle on Kyle Moyle. Although they had one chance before the end of the match, this was snuffed out by a superb o’Meara tackle. The match finished with a win for the better team on the day, The Pirates. Final Score, The Cornish Pirates 19, London Irish 7. A marvellous Christmas present for the players and their supporters.

Glesyon Bedford e. An Vorladron Gernewek

Wosa viaj a 312 mildir (nyns yw Rosko namoy es 200), nyns o sewyans an fytt an pytt a vynnsen ni kavos. A’n dalleth yth esa an Vorladron ow strivya bos y’n gam ha Bedford skon re worrsa war an bord aga hynsa poyntyow yn unn sewya spal. Taklow a godhas gweth rag an Vorladron pan veu Brett Beukaboom danvenys dhe’n trog-drog rag knouk war-nans dre dowl, an pyth a gemeras Bedford prow dre skorya assay treylyes orth 21 mynysen. Hemma a veu sewyes gans aga nessa assay dhe dhri an skor dhe 17-0. Ena an Lesyon a gavas tressa dhe wul an skor 22-0. Yth esa an Vorladron ow pos kessydhys dre niver an spalyow a wrussens i daskor – 12 kehevelys orth namoy es 2 gans Bedford. Ena Jack Howlett a veu res powes gans an breusyas hag a spenas deg mynysen y’n trog-drog.

Orth dalleth an nessa hanter an govyn o, a vydh moy a’n keth po a wra an Vorladron gorthyp? An Vorladron a strivyas yn krev mes yth o an Lesyon neb a skoryas assay – aga feswara hag assay poynt mas. Yth esa semlant a daklow du lowr rag an Vorladron. Yth yw meur y les dh’y notya, pub an peswar assay a veu skoryes gans askeloryon – yth o apert bos aga thowl-gam owth oberi. Ena yth esa chons rag an Vorladron dhe lehe an aswa, pan botyas Kyle Moyle yn-rag, mes y feu fethys gans defendyer Bedford dhe’n bel. Lemmyn byttegyns, yth o tro an Lesyon dhe dhaskor spalyow ha ny wrug an Vorladron bythkweth omri hag y’n diwettha 10 mynysen i a skoryas tri assay dre o’Meara, Wedlake ha Koster dhe dhri an skor finel dhe Lesyon Bedford 27, An Vorladron Gernewek 17. Kyn ny wrug an Vorladron kavas poynt dhyworth an fytt, dhe’n lyha i a waynyas nebes revrons y’n diwettha kwarter. Y’n gwir, 17 spal ha dew garten velyn ny wrug gweres materyow.

Bedford Blues v. The Cornish Pirates.

After a trip of 312 miles (Roscoff is no more than 200), the result of this match was not what we wanted. From the start the Pirates were struggling to be in the game and soon Bedford had put their first points on the board following a penalty. Things became worse for the Pirates when Brett Beukaboom was sent to the sin bin for a deliberate knock-down, from which Bedford took advantage by scoring a converted try on 21 minutes. This was followed by their second try to bring the score to 17-0. Then the Blues got their third try to make the score 22-0. The Pirates were being punished for the number of penalties they were conceding – 12 compared to no more than 2 by Bedford. Then Jack Howlett was given a rest by the referee and spent ten minutes in the sin bin.

At the start of the second half the question was, will there be more of the same or will the Pirates respond? The Pirates fought strongly but it was the Blues who scored a try – their fourth and bonus point try. It is interesting to note that that all four tries were scored by wingers which showed that their game plan was working. Then there was a chance for the Pirates to narrow the gap, when Kyle Moyle kicked ahead but was beaten by a Bedford defender to the ball. Now however, it was the turn of the Blues to concede penalties and never did the Pirates give up and in the last 10 minutes they scored three tries through o’Meara, Wedlake and Koster to bring the final score to Bedford Blues 27, The Cornish Pirates 17. Although the Pirates did not get a point from the game, at least they won respectability in the last quarter. In truth, 17 penalties and 2 yellow cards did not help matters.

Kolji Hartpury e. An Vorladron Gernewek

An Vorladron a dhallathas yn ta gans McRae ow skorya assay treylyes wosa 3 mynysen. Byttegyns, Hartpury a dhehwelis gans assay treylyes aga honen ha wosa 15 mynysen eth yn-rag dre spal, 10-7. An Vorladron o anfusik na wrussons i skorya der o’Meara, mes ogas ha distowgh Alvarez a skoryas y gynsa assay rag an Vorladron, an pyth a dreylyas ev. Orth 30 mynysen Hartpury a waynyas linen duch yn 22 an Vorladron ha’ga higer eth dres an linen rag assay treylyes, 17-14. Mes an Vorladron a worfennas an kynsa hanter yn krevgans kynsa Matavesi ow tardha y fordh der an defens Hartpury yn unn ri dhe Koster an bel dhe skorya. Hartpury a assaya avonsya aga skor, mes yth o an Vorladron neb a’s teva an diwettha ger gans Koster owth omherdhya dres an linen rag an assay poynt mas. Gans an assay treylyes gans Alvarez, yth o 26-17 dhe’n Vorladron orth hanter termyn.

Hartpury o an kynsa dhe skorya y’n nessa hanter gans assay treylyes. Yth o apert na vynna Hartpury gweles nessa hanter dell wrussens i an seythen kyns, hag yth ens i yn spyrys batalya, mas Peuler Hartpury Harden a veu danvenys dhe’n trog-drog ha dhyworth an spal, pot sewen gans Alvarez a ros dhe’n Vorladron led a 5 poynt, 24-29. Y’n tressa kwarter an fytt, dre wask Hartpury, An Vorladron a dhaskoras niver a splayow, gans Matavesi ow pos danvenys dhe’n trog-drog. Hartpury a gemeres prow leun a hemma hag a skoryas aga pewara assay ha assay poynt mas. An treylyans a veu kellys ytho an skor a drigas orth 29-29. Gans termyn ow resek dhe-ves, An Vorladron gans 14 den a’s teva an skor a vynnens i. Wosa perthyans ha 17 agwedh a wari, An Vorladron a ygoras spas hag a asas Wedlake dhe skorya y’n gornel. Gans treylyans sewen gans Alvarez, an breusyas a hwibanas rag termyn leun. Skor finel, Kolji Hartpury 29, An Vorladron Gernewek 36.

Hartpury College v. The Cornish Pirates.

The Pirates started well with McRae scoring a converted after just 3 minutes. However, Hartpury a responded with a converted try of their own and after 15 minutes went ahead via a penalty, 10-7. The Pirates were unlucky not to score through o’Meara, but almost immediately Alvarez scored his first try for the Pirates, a try which he converted. On 30 minutes Hartpury found touch in the Pirates’ 22 and their hooker went over for a converted try, 17-14. But the Pirates finished the first half strongly with first Matavesi bursting through the Hartpury defence, offloading the ball for Koster to score. Hartpury tried to further their score, but it was the Pirates who had the last word with Koster forcing himself over the line for the fourth and bonus point try. With the try converted by Alvarez, it was 26-17 to the Pirates at half-time.

Hartpury were the first to score in the second half with a converted try. It was clear that Hartpury didn’t want to see a second half as they had the week before, and they were in a fighting spirit, but Hartpury prop Harden was sent to the sin bin and from the penalty, Alvarez gave the Pirates a 5 point lead, 24-29. In the third quarter of the match, through Hartpury pressure, the Pirates conceded a number of penalties, with Matavesi being sent to the sin bin. Hartpury took full advantage of this and scored their fourth and bonus point try. The conversion was missed so the score remained at 29-29. With time running out, The Pirates with 14 men gained the score they wanted. After patience and 17 phases of play, The Pirates opened up a space which allowed Wedlake to score in the corner. With a successful conversion by Alvarez, the referee blew for full time. Final score, Hartpury College 29, The Cornish Pirates 36.

An Vorladron Gernewek e. Kolji Hartpury

Y hwrug an breusyas sewya an lagha nowydh komendys rag an hanav ma yn tywysyk hedhyw pan dhanvonas ev pub gwarier neb a wrug dalghen ughel dhe’n trog drog – onan dhyworth an Vorladron ha tri dhyworth Hartpury. An Vorladron a dhallathas an kynsa hanter nebes lent hag a ros dhe Hartpury dew assay es lowr, mes tamm ha tamm an Vorladron a waynyas an stat ughella hag erbynn hanter termyn i re dhrehevsa led da. Hartpury o an kynsa dhe skorya gans assay treylys an pyth a veu skon sewyys gans dew spal rag an Vorladron, 6-7. Byttegyns, Hartpury a dhehwelis hag a waynyas spal dhe yncressya aga skor, 6-10, Lemmyn yth o tro an Vorladron hag i a skoryas aga hynsa assay dhe gemeres an led, 13-10, mes an led ma ny dhuryas pell ha Hartpury a skoryas aga nessa assay, dhe dhri an skor dhe 13-17. Mes ny wrussa Hartpury trobla an bord-skorya na fella, hag erbyn hanter termyn an Vorladron re skorsa tri assay dhe wul an skor 27-17.

Dystowgh dhe dhalleth an nessa hanter, An Vorladron a skoryas aga assay poynt mas ha kyn hwrug Hartpury drehevel nebes omsettyansow, po an Vorladron a’ga hedhi y’ga olow po Hartpury a wrug lies kamwrians. Tamm ha tamm an Vorladron a dhrehevi aga skor hag a-dro dhe eth mynsen kyns gorfenn an fyt, higer an Vorladron Tom Cowan-Dickie a dhegemeras brew sad hag a spena ogas ha deg mynysen ow bos dyghtyes gans an medhygyon, war an dewedh ow bos degys ‘mes an park war ravath. Gans an skor 53-17 dhe’n Vorladron, an breusyas a gussulyas gans an dhew kapten hag i a assentyas y halsa ev hwibana rag termyn leun. Skor finel, An Vorladron Gernewek 53, Kolji Hartpury 17.

The Cornish Pirates v. Hartpury College.

The referee followed the new law introduced for this cup with enthusiasm today, when he sent each player who made a high tackle to the sin bin – one from the Pirates and three from Hartpury. The Pirates started the first half somewhat slowly and gifted Hartpury two easy tries, but gradually the Pirates gained the upper hand and by half-time they had built a good lead. Hartpury were the first to score with a converted try which was quickly followed by two penalties for the Pirates, 6-7. Now it was the turn of the Pirates and they scored their first try to take the lead 13-10, but his lead did not last long and Hartpury scored their second try, to bring the score to 13-17. But Hartpury did not trouble the score board any more and by half-time the Pirates had scored three tries to make the score 27-17.

Immediately at the start of the second half, The Pirates scored their bonus point try and although Hartpury built a few attacks, either the Pirates stopped them in their tracks or Hartpury made a lot of mistakes. Gradually the Pirates built their score and about eight minutes before the end the Pirate hooker Tom Cowan-Dickie received a serious injury and spent almost ten minutes being treated by the doctors, finally being carried off the field on a stretcher. With the score at 53-17 to the Pirates, the referee consulted with the two captains and they agreed that he could blow the whistle for full time. Final score, The Cornish Pirates 53, Hartpury College 17.

Godhyli Loundres e. An Vorladron Gernewek

Rag an nessa fytt ma y’n Hanav nowydh, yth esa dew bossybylta rag an sewyans. Po y fia Godhyli Loundres mar lowen wosa gwayn istoric Iwerdon erbynn an Dhuyow Oll an jydh kyns ha ny wrussens i omdhiskwedhes ha’n Vorladron a wrussa gwaynya yn es, po y hwrussens i keslowehe dre wari yn ta ha’gan fetha ni yn es. Yth o diwettha an dhew a hwarva. Spal a-varr dhe’n Wodhyli sewyes gans assay orth 17 mynysen a dhiskwedhes dell ens i ervirys gwaynya. Hemma a veu sewyes gans ken pot dhe gornel hag a ros dhedha aga nessa assay yn unn dhri an skor 17-0. Wosa 30 mynysen Godhyli Loundres a gollas aga Nr. 8 dhe’n trog drog ha’n Vorladron eth rag assay mes i a gollas an bel. Byttegyns, an Vorladron a ventenas an gwask hag o’Meara a dremena an linen y’n gornel, mes an Wodhyli a worthybis gans assay dhe wul an skor 24-7.

An nessa hanter a dhallathas gans spal rag an Vorladron hag a sevis govenek, mes Godhyli Loundres a lybyas an govenek ma gans assay spal. Wosa gwarnyans gans an breusyas dhe’n Vorladron, Harry Strong a veu danvenys dhe’n trog drog. Godhyli Loundres a witha an gwask hag a veu pewashes gans ken assay. Ena an Wodhyli a gemeras prow an den moy hag a skoryas arta. Ny wrug an Vorladron omri hag i a skoryas asssay, mes Godhyli a skoryas assayow pella yn unn worfenna gans 9 assay. Skor finel, Godhyli Loundres 64, An Vorladron Gernewek 17.

London Irish v. The Cornish Pirates

For the second match in this new Cup, there were two possibilities for the result. Either London Irish would be so happy after Ireland’s historic win against the All Blacks the day before, they wouldn’t turn up and the Pirates would win easily or they would celebrate by playing well and beat us easily. It was the latter of the two which happened. An early penalty to Irish followed by a try showed that they were out to win. This was followed by a kick to the corner and their second try to bring the score to 17-0. After 30 minutes London Irish lost their Nr. 8 to the sin bin and the Pirates went for a try but lost the ball. However, the Pirates maintained the pressure and o’Meara crossed the line in the corner but Irish responded with a try to make the score 24-7.

The second half started with a penalty to the Pirates which raised hopes, but London Irish dampened these hopes with a penalty try. After a warning from the referee to the Pirates, Harry Strong was sent to the sin bin. London Irish a maintained the pressure and were rewarded with another try. Then Irish took advantage of the extra man and scored again. The Pirates did not give up and scored a try but Irish scored further tries finishing with 9 tries. Final score, London Irish 64, The Cornish Pirates 17.

An Vorladron Gernewek e. Glesyon Bedford

Wosa seythen a law ogas ha heb let, dy’Sul an howl an splannas yn fryntyn rag an fyt ma. Yth o an kynsa fytt yn Hanav Kampyorieth nowydh ha’n dhew bara a ros nebes bejethow nowydh chons dhe dhiskwedhes an pyth a yllons i gul – ha ny wrussons i tolla. Nyns esa dyffrans ynter an dhew mes yth o an votasen gewar a Nr 10 an Vorladron, Xavier Alvarez, hag a ros an Vorladron an gwayn. An Vorladron o an kynsa dhe skorya der an votasen Alvarez gans spal, hag a veu sewyes wosa nebes mynysen gans assay y’n gornel skoryes gans Harry Strong ha treylyes gans Alvarez. Wosa pymp mynysen An Vorladron eth yn ogas skorya nessa assay, mes pot yn-rag o’Meara eth marow kys bos chons rag Dan Lee kodha warnedhi. Yn lent, an Lesyon a dhallathas chalenjya An Vorladron, hag i a skoryas aga hynsa assay, hag a veu treylyes. Ena dew spal dhe’n Vorladron hag onan dhe’n Lesyon a wrug an skor 16-10 orth hanter-termyn.

Y’n nessa hanter yth o kales dhe leverel an dyffrans ynter an dhew bara, ha kyn hwrussa an dhew anedha kavos chonsow dhe skorya, mes po dre dhefens da po kammwriansow sempel, ny yllens i kavos assay. Ena y heveli y hwrussa An Vorladron kavos aga nessa assay mes diwettha delyvrans gans Callam Patteron a veu kontrewaytys ha Bedford a skoryas. An Vorladron ena a worras linen Bedford yn dann gwask, hag a veu pewashes gans spal a-dherag an peulyow Gans hemma An Vorladron lemmyn, o seyth poynt yn-rag. Dew vynysen wosa hemma an Lesyon a skoryas assay, mes dhe dhifresyans an skoedhyoryon dre, an assay treylyans eth in ledan. Skor lemmyn 22-20. An Lesyon a assayas yn krev rag ken assay, mes i a gnoukyas yn-rag hag yn unn sewya an skyrmys, an Vorladron a botyas marow an bel. Skor finel, An Vorladron 22, Glesyon Bedford 20.

The Cornish Pirates v. Bedford Blues

After a week of almost incessant rain, Sunday the sun shone brightly for this match. It was the first match of the new Championship Cup and both teams gave some faces a chance to show what they could do – and they didn’t disappoint. There wasn’t any difference between the two sides but it was the accurate boot of the Pirates’ Nr 10, Xavier Alvarez which gave the Pirates the win. The Pirates opened the scoring through the boot of Alvarez with a penalty which was after a few minutes by a try in the corner from Harry Strong, converted by Alvarez. After five minutes the Pirates nearly scored a second try, but o’Meara’s kick ahead went dead before Dan Lee could fall on it. Slowly the Blues started to challenge the Pirates and they scored their first try, which was converted. Then two penalties to the Pirates and one to the Blues made the score 16-10 at half-time.

In the second half it was difficult to tell the difference between the two sides, and although both of them had chances to score, either through good defence or simple mistakes, they couldn’t find a try. Then It seemed that the Pirates would get their second try but Callam Patterson’s last pass was intercepted and Bedford scored. The Pirates put pressure on the Bedford line and were rewarded with a penalty in front of the posts. With this the Pirates were now seven points in front. Two minutes later the Blues scored a try but to the relief of the home supporters, the conversion attempt went wide. Score now 22-20. The Blues tried hard for another try but they knocked on and from the resulting scrum, the Pirates kicked the ball dead. Final score, The Pirates 22, Bedford Blues 20.

Godhyli Loundres e. An Vorladron Gernewek

An fytt ma gwaries dhe’n Sportva Madjeski yn Reading a brovas bos An Vorladron Gernewek erbynn an ragwarioryon Godhyli Loundres, mar grev ens i. Wosa 5 mynysen an bagas Wodhyli a waynyas aga hynsa assay. An Vorladron a worthybis gans assay ha spal gans Will Cargill, mes an Wodhyli a dhehwelis gans aga nessa assay – 12-3. Hwath an Wodhyli a dhrehevi gwask der aga ragwarioryon, ha skon i a skoryas arta, hag ena wosa 33 mynysen i a dremenas an linen rag aga feswara assay ha’n poynt mas. Gans an treylyans, an Wodhyli a asas an park dhe hanter termyn gans skor a 26-8.

An nessa hanter a dhallathas yn-ta rag an Wodhyli hag i eth pella yn-rag gans aga fympes assay – 33-8. Byttegyns, an Vorladron na veu fethys hwath ha Kyle Moyle a skoryas y gynsa assay. Wosa hemma, Godhyli Loundres a gollas dew dhen dhe’n trog-drog, ha’n Vorladron a skoryas diwweyth arta, onan gans Kyle Moyle ha’n nessa, yn unn sewya onan an kartennow melin, assay spal – 33-29 Dell nesas leun-dermyn, y heveli y hwrussa an Vorladron kavos dew boynt mas, mes gans gwari finel an fytt, Godhyli Loundres a skoryas ken assay. Skor finel, Godhyli Loundres 38, An Vorladron Gernewek 29, gans unn poynt mas kelli dhe dhri tre yn le a dhew. Yth o sewyans pur dha yn gwiryonedh gans Godhyli Loundres dhyworth an Pennroweth ha liesgweyth moy asnodhow es an Vorladron.

London Irish v. The Cornish Pirates

This match played at the Madjeski Stadium, Reading a proved to be the Cornish Pirates against the London Irish forwards, so strong were they. After 5 minutes the London Irish pack gave them their first try. The Pirates responded with a penalty by Will Cargill, but Irish came back with their second try – 12-3. Still the Irish forwards built pressure through their forwards and soon they scored again, and then after 33 minutes they crossed the line for their fourth try and a bonus point. With the conversion, Irish left the field at half-time with dhe skor at 26-8.

The second half started well for Irish and they went further ahead with their fifth try. However, the Pirates weren’t beaten yet and Kyle Moyle scored his first try. After this, London Irish lost two men to the sin-bin, and the Pirates scored twice, one by Kyle Moyle and the second, following one of the yellow cards, a penalty try – 33-29. As it approached full time it seemed that the Pirates would have two bonus points, but with the final play of the game, Irish scored another try, denying thePirates the second bonus point. Final score, London irish 38, Cornish Pirates 29, with a single losing bonus point to bring home. It was in truth a good result with London Irish from the Premiership and many more resources.

An Vorladron Gernewek e. Glesyon Bedford

Wosa bos tollys gans an sewyans yn Jersenys an seythen kyns, mal o gans an Vorladron dhe gavos gwayn. Byttegyns ny wrug henna hwarvos. Dres an kynsa hanter yth esa brassa rann an gwari yn hanter an Vorladron ha nyns o pell kyns an Lesyon dhe ygeri aga skor dre spal der an votasen dhiogel a Will Hooley, neb ny gollas unn pot an dohajydh dien. A-dhystowgh an Vorladron a worthybis ha wosa gwayans oberys yn ta, Sam Matavesi a skoryans yn-dann an peulyow – 7-3 dhe’n Vorladron. Bedford a ventenas an gwask hag a veu pewashes nessa spal. Hemma a veu sewyes gans assay dhe dhri an skor dhe 7-13. Hwath an Lesyon a ventenas an gwask ha kavos ken spal. Mes poran dhe hanter termyn an Vorladron a veu pewsahes spal a-dherag an peulyow ha Will Cargill a gemeras an tri foynt. Hanter termyn 10-16.

An nessa hanter an Vorladron a wellhas meur ha skon i a skoryas assay mes y’n lakka pris Cargill a fyllas gans an treylyans. Lemmyn gans unn poynt dyffrans y’n skor, an fyt a dhallathas dos yn few hag yth esa keschanj a assayow, mes pub prys gans an Vorladron unn poynt a dhelergh. Gans a-dro dhe dheg mynysen gesys ha’n Vorladron owth ynkressya an gwask, hag yn unn waya an bel yn uskis a-hys an geynoryon yth esens i owth omsettya war an linen Bedford, mes an diwettha delivrans a veu kontrawaytyes ha Dean Adamson a bonyas hys an park dhe ri an Lesyon led a 8 poynt. Byttegyns ny wrug an Vorladron omri hag i a skoryas dhe dhri an skor arta dhe unn poynt an dyffrans. Y’n mynysenow merwel i a allsa skorya arta, mes i a gollas an bel yn-rag. Nyns esa edhom dhe Bedford mes gwaynya an skyrmys ha potya an bel yn tuch. Skor finel, An Vorladron 29, Glesyon Bedford 30.

The Cornish Pirates v. Bedford Blues

After being disappointed with the result in Jersey the week before, The Pirates were keen to get a win. However, this wasn’t to be. Over the first half the bulk of the play was in the Pirates’ half, and it wasn’t long before the Blues opened their score with a penalty via the reliable boot of Will Hooley, who didn’t miss a kick the whole afternoon. Immediately the Pirates replied and following a well-worked move, Sam Matavesi scored under the posts – 7-3 to the Pirates. Bedford maintained the pressure and were rewarded with a second penalty. This was followed by a try to bring the score to 7-13. Still the Blues kept up the pressure and got another penalty. But right on half-time the Pirates were awarded a penalty in front of the posts and Will Cargill took the three points. Half-time 10-16.

The second half the Pirates improved a lot and soon scored a try but unfortunately Cargill failed with the conversion. Now with a point difference in the score the match came to life and there was an exchange of tries, but always with the Pirates one point behind. With around ten minutes left and with the Pirates increasing the pressure and moving the ball rapidly along the backs they were attacking the Bedford line, but the last pass was intercepted and Dean Adamson ran the length of the field to give the Blues an 8-point lead. However, the Pirates didn’t give up and they scored to bring the score again to a point difference. In the dying minutes they could have scored again but lost the ball forward. There was no need for Bedford to but win the scrum and kick the ball into touch. Final score, the Cornish Pirates 29, Bedford Blues 30.

Rudhyon Jersenys e. An Vorladron Gernewek

An diwettha tro y hwrug An Vorladron fetha Jerseys y’n kesunyans o yn 2012 – a wrussa bush a neb 1600 gweles Jersenys gwitha aga hovadh?

Wosa 7 mynysen hag yn unn sewya ro dhe-ves orth an skyrmys, Jersenys a skoryas assay treylys yn-dann an peulyow. Gans 26 mynysen war an klock, gwask pella dhyworth Jersenys a furvyas omdowl lewya dhyworth linen duch dhe wul an skor 14-0. Yth esa chons a spal rag an Vorladron mes Will Cargill a fyllas. Skyrmys an Vorladron o yn-dann gwask heb let gans koll an bel – Yth esa an bagas Jersenys ow kwaynya yn fydhyans. Penberthy a enkressyas led Jersenys gans spal dhyworth 52 meter. Tro’ ha hanter termyn Jersenys a wruk stroll dhyworth linen duch hag yth esa an Vorladron ow hwilas chons dhe lewya yn-dann an peulyow. Jersenys eth mes a wari ha’n Vorladron a erviras mos rag spal es. 17-3 dhe hanter termyn.

An nessa hanter a dhallathas rag pub dhe wari ganso ha’n skoedhyoryon Vorladron a sevis aga levow. An Penberthy diogel a botyas ken spal dhe ynkressya an led 20-3. Yth esa gwask moy an skyrmys Jersenys, ha nyns o mes knouk a-rag hag a sawys an Vorladron a skor pella. Penberthy a wrynyas an gollel spal hag yth o 23-3 gans 20 mynysen gesys. Yth esa edhomm dhe’n Vorladron lemmyn a dri assay hag i a herdhas krev mes i a gnoukyas a-rag. Ena Penberthy a skoryas gol daslamm kyns Matavesi dhe skorya yn-dann an peulyow. Jersenys a worthybis dre lewya dhe linen 5-meter an Vorladron mes i a gnoukyas yn-rag – byttegyns aga skyrmys gwarthevyek a dhaswaynyas an bel dhe wul an skor finel 33-10. Hag ytho an bucka Jersenys a drig.

Jersey Reds v. the Cornish Pirates

The last time Pirates won in the league against Jersey was in 2012 Would a crowd of some 1600 see Jersey maintain their record?

After 7 minutes and following a turnover at the scrum Jersey dotted down until the posts and convert. Further pressure from Jersey and they looked to set up a driving maul from a lineout – with 26 minutes on the clock they make it 14-0. Not looking good especially as a penalty attempt from Cargill fails. The Pirates scrum is continually under pressure and more, ball is lost – the Jersey pack is building in confidence. Penberthy in his own half and 52 m out increased the Jersey lead to 17 – 0. In the closing stages Jersey mess up from a lineout and the Pirates are looking to drive over under the posts. Jersey go off side and Pirates have the choice of an easy penalty or a 5m scrum. 17-3 at half time.

The Second half started with all to play for as the Pirates supporters raised their voices. The ever reliable Penberthy kicked another penalty to take the lead back to 20 -3. More Jersey scrum pressure and only a knock on saved Pirates from falling further behind. Penberthy twists the penalty knife and it is 23- 3 with 20 minutes left. Pirates need 3 tries and push hard only to knock on. Penberthy drops a goal before Matavesi scores under the posts. Jersey reply by driving to the Pirates 5m line only to knock on – but their dominant scrum wins the ball back and the final score is 33 – 10. So, the Jersey bogey remains.

An Vorladron Gernewek e. Nottingham

Yma lavar koth meur-usys hag yw ‘fytt a dhew hanter’ ha hemm yw poran an pyth o an fytt dy Sul ynter an Vorladron ha Nottingham. An fordh may hwrug an Vorladron gwari y’n kynsa hanter y fia anpossybyl rag an gwella para y’n kesunyans – ha brassa rann an re na y’n Pennroweth – dhe hedhi. An Vorladron a ygoras aga skor y’n 4a mynysen gans assay treylys, hag ena y’n 10ves ha 14ves, dew voy dhe dhri an skor dhe 21-0. Hwath an Vorladron a besyas orth toeth men hag erbynn an 20ves mynysen yth esa an poynt mas y’n sagh – 26-0. Y heveli bos Nottingham kellys rag gorthyp, awos na wrussens i hwath entra 22 an Vorladron. Hag yndella y pesyas. Nebes mynysennow moy, spal dhe’n Vorladron ha’ga pympes assay – 36-0! Byttegyns, gans diwettha gwari an hanter, Nottingham a skyoryas yn-dann an peulyow – 36-7.

Yth esa keniver onan y’n park ow teseves dhe’n lyha dew po tri assay moy dhyworth an Vorldron y’n nessa hanter, mes ny wrug henna hwarvos. An Vorladron a wrug niver a kemerydhysi rag an nessa hanter, y’ga mysk, rew a-rag dien. Martesen hemma a janjyas taklow, drefen na wrug an Vorladron alemma ra gwari gans an keth toeth na godros, yn unn asa Nottingham, tamm ha tamm gwaynya fydhyans – an pyth a veu krevhes gans assay wosa 10 mynysen. Deg mynysen wosa hemma, i a skoryas arta dhe dhri an skor dhe 36-21. Hag ena wosa 5 mynysen, an Vorladron a veu pewashes spal, ha dhe hebaskhe an nervow, y feu ervirys kemeres pot orth an peulyow, mes pot kemerydh Harvey Skinner eth ynn stray. Lemmyn yth esa Nottingham y’n esedh lewyas ha gans 5 mynysen gesys, pot kist yn unn sewya skyrmys a veu resegys er y bynn yn es ha Nottingham a gavas aga assay poynt mas. Yth o hemma an diwettha skor an fytt ha dhe dhifresyans an skoedhyoryon tre, breusyas Sarah Cox a hwibanas rag leun termyn. Skor finel, An Vorladron Gernewek 36, Nottingham 28.

The Cornish Pirates v. Nottingham

There’s a much-used saying, ‘a game of two halves’ and this is exactly what this match was on Sunday between the Pirates and Nottingham. The way in which the Pirates played in the first half would have been impossible to stop by the best team in the league – and the best part of those in the Premiership. The Pirates opened their score in the 4th minute with a converted try, and then in the 10th and 14th two more to bring the score to 21-0. Still the Pirates continued at full speed and by the 20th minute the bonus point was in the bag – 26-0. It seemed that Nottingham were lost for an answer, as they had not yet entered the Pirates’ 22. And so it continued. A few minutes later a penalty to the Pirates and then their fifth try – 36-0! However, with the last play of the half, Nottingham a scored under the posts – 36-7.

Everyone in the ground were expecting at least two or three more tries from the Pirates in the second half, but this did not happen. The Pirates made a number of changes for the second half, which included a completely new front row. Perhaps this changed things, because the Pirates no longer played with the same speed and threat, allowing Nottingham to gradually gain confidence – which was strengthened with a try after 10 minutes. 10 minutes later, they scored again to bring the score to 36-21. And then after 5 minutes, the Pirates were awarded a penalty, and to calm the nerves, a kick at the posts was decided, but replacement Harvey Skinner’s kick went wide. Now it was Nottingham in the driving seat and with 5 minutes remaining, a box kick following a scrum was easily charged down, and Nottingham got their bonus point try. This was the last score of the match and to the relief of the home supporters, referee Sarah Cox blew for full time. Final Score, The Cornish Pirates 36, Nottingham 28.

Ealing e. An Vorladron Gernewek

Yth o anwoheladow y hwrussa an Vorladron kelli neb prys skon wosa bos anfethys yn 14 fytt – y’n lig hag yn ‘kowethasegow’ – ha henna a hwarva an bennseythen ma yn Ealing. Ealing a ygoras an skor gans assay wosa 10 mynysen mes an Vorladron a worthebis a-ji dhe 3 mynysen gans dew assay aga honan dhe dhri an skor dhe 7-10. Ena Ealing a gemeras kontrol a’n fytt ha kyn hwrug an Vorladron kavos spal tamm kyns hanter-termyn, potyes gans Will Cargill, rann ma an gam a veu governys gans Ealing, neb a skoryas tri assay moy orth 33, 39 ha 40 mynysen – an kynsa dew ow bos treylyes ha’n diwettha yn ewn dhyworth linen duch y’n gornel – dhe ri an ostys led a 26-13 ha’n poynt mas.

Ny wrug Ealing lenthe naneyl dhe dhalleth an nessa hanter, yn unn skorya aga pympes assay (andreylyes) wosa 3 mynysen ha’ga hweghes wosa gwask heb let 7 mynysen wosa hemma. An dhew assay moy ma war-barth gans spal orth 63 mynysen a ros dhe Ealing led a 41-16 hag a heveli na via possybyl rag an Vorladron dhe dhrehedes – an tri foynt moy dhe’n Vorladron gans grassow dhe spal Cargill. Byttegyns, kynth esa Ealing yn lagasow a’ga skoedhyoryon ‘mes a wel, dell yw usys an Vorladron a’s teva tybyanow dyffrans, hag i a skoryas 19 poynt anworthebys y’n diwettha 15 mynysen. An dasserghyans a veu ledys gans Kyle Moyle neb a skoryas assay orth 65 mynysen, treylyes gans Harvey Skinner hag ena orth 75 mynysen gans Robin Wedlake, neb a dhaswrug hemma gans diwettha gwari an fytt dhe ri dhodho y wrynch-hat. Gans Skinner ow treylya yn sewen, an breusyas a hwibonas rag termyn dhe wul an skor finel – Ealing 41, An Vorladron Gernewek 35, gans 5 poynt dhe Ealing ha 2 boynt dhe’n Vorladron, sewyans ha’ga gwith dhe benn an voesen.

Ealing v. The Cornish Pirates

It was inevitable that the Pirates would lose sometime soon after being undefeated in 14 matches – in the league and in ‘friendlies’ – and this happened this week-end at Ealing. Ealing opened the scoring with a try after 10 minutes, but the Pirates responded within 3 minutes with two of their own to bring the score to 7-10. Then Ealing took control of the match and although the Pirates scored a penalty just before half-time, kicked by Will Cargill, this part of the game was governed by Ealing, who scored three more tries at 33, 39 and 40 minutes – the first two converted and the third directly from a line-out in the corner – to give the hosts a 26-13 lead and the bonus point.

Ealing did not slow down either at the start of the second half, scoring their fifth try (unconverted) after 3 minutes and their sixth after sustained pressure 7 minutes later. These two tries together with a penalty on 63 minutes gave Ealing a lead of 41-16 which seemed impossible for the Pirates to reach – the three extra points to the Pirates thanks to a Cargill penalty. However, although Ealing were in the eyes of their supporters, out of sight, as usual the Pirates had different ideas and they scored 19 unanswered points in the last 15 minutes. The resurgence was led by Kyle Moyle who scored a try after 65 minutes, converted by Harvey Skinner, and then on 75 minutes by Robin Wedlake, who repeated this with the final play of the match to give him his hat-trick. With Skinner successfully converting, the referee blew for time to make the final score – Ealing 41, The Cornish Pirates 35, with 5 points to Ealing and 2 to the Pirates, a result which keeps them at the top of the table.

An Vorladron Gernewek e. Richmond

Prederow y fia an fyt ma onan es lowr rag an Vorladron a veu danvenys yn kerth dhyworth an dalleth, gans an Vorladron ow hebkor tri skyrmys spal dhe vagas Richmond pur grev. Yn anwoheladow, an re ma a ledyas war an diwedh dhe assay rag Richmond, an pyth na alsa aga fotyer treylya. Mes an Vorladron a omdrehevis dhe’n kaws hag y’n 17ves mynysen a veu pewashes gans spal dhe wul an skor 3-5. A-ji dhe deyr po peder mynysen, an Vorladron a gavas linen duch yn gornel an hen Kenedhlek an West hag y’n omdowl rolya a swyas, an higer Richmond a veu diskwedhys karten velyn gans an breusyas ow ponya yn-dann an peulyow rag assay spal – 10-5. Ken assay, an dro ma gans Sam Maravesi, a sewyas y’n keth kornel, mes attent treylyans Will Cargill a gravas tu a-ves an peul. Peder mynysen kyns hanter-termyn, Richmond a skoryas aga eyl assay, mes an Vorladron a’s teva an ger finel an hanter gans aga thressa assay – 22-12.

Dhe dhalleth an eyl hanter, An Vorladron a gresshas an toth hag yn unn sewya spal y’n 22 Richmond, ha’n warioryon Richmond ow mires an eyl orth y gila, Alex Day gans tap uskis, a bonyas yn-dann an peulyow – 29-12. Richmond a ventenas an gwask ha gans deg mynysen gesys war an klock i a skoryas aga thressa assay yn-dann an peulyow. Gans chons lemmyn a poynt mas, Richmond a dewlis puptra orth an Vorladron, mes defens an Vorladron a omsynsas fast hag a naghas Richmond skor pella. Gans knoukya yn-rag gans Richmond, an breusyas a hwibonas rag termyn yn unn ri dhe’n Vorladron aga 11ves gwayn yn rew y’n lig, poyntyow moyha a 20, hag a surhes aga le dhe benn an voesenn. Skor finel – An Vorladron Gernewek 29, Richmond 19.

The Cornish Pirates v. Richmond

Thoughts that this match would be easy were dispelled from the start with the Pirates conceding three scrum penalties to a very strong Richmond pack. Inevitably these led eventually to a Richmond try which their kicker was unable to convert. But the Pirates rose to the cause and in the 17th minute were awarded a penalty to make the score 3-5. Within three or four minutes the Pirates had a line-out in the old Western National corner, and in the ensuing rolling maul, the Richmond hooker was shown a yellow card with the referee running under the posts for a penalty try -10-5. Another try, this time by Sam Matavesi, followed in the same corner, but Will Cargill’s conversion attempt just grazed the outside of the post. Four minutes before half-time Richmond scored their second try, but the Pirates had the final word with their third try – 22-12.

At the start of the second half, the Pirates upped the pace and following a penalty in the Richmond 22, and while the Richmond players were looking at each other, Alex Day, with a quick tap, ran in under the posts – 29-12. Richmond maintained the pressure and with ten minutes left on the clock, they scored their third try under the posts. With the chance now of a bonus point, Richmond threw everything at the Pirates, but the Pirates’ defence held firm and denied Richmond a further score. With a Richmond knock-on, the referee blew for time, giving the Pirates their 11th win in a row in the league, maximum points of 20, and ensuring their place at the top of the table. Final score – The Cornish Pirates 29, Richmond 19.

Hartpury e. An Vorladron Gernewek

A kynsa fyt an seson a-ves o derby leel gans Hartpury – neb pellder a 222 mildir! Gwask a-varr gans Hartpury a dhros dhedha led a 7-0 wosa 5 mynysen. Eyl assay Hartpury a ystynnas aga led dhe 12-0. Hartpury a besyas gans an gwask hag esa ow previ assay gwiw rag an Vorladron. Byttegyns, assay Robin Wedlake sewyes gans onan gans Callum Patterson a levenhas an skoryow gans treylyans yn unn wul an led dhe’n Voradron. Ena, Wedlake a gontrewaytyas delivrans yn y 22 y honan ha ponya an 80 meter dhe blansa an bel dres an linen. Spal dhe’n Vorladron a’n gwrug 12-24 hag gans an klock ow nesa hanter-termyn, an ragwrioryon Hartpury a omherdhyas dres an linen dhe omwitha y’n batel – 17-24. Byttegyns, potya diogel Will Cargill a wrug an dyffrans.

Assay poynt mas dhe’n Vorladron a dheuth wosa 6 mynysen an eyl hanter a dhri an skor dhe 17-29, mes Eves a Hartpury yn unn hedhi an Vorladron yn anlaghel a veu diskwedhys karten velyn – ervirans breusyas hag a veu akordys gans skoedhyoryon An Vorladron. Gwask heb hedhi gans an Vorladron a ledyas dhe assay wrynch-hatt rag Wedlake – 17-34. Mes ny wrug Wedlake esedha war y lorwydh wosa hemma hag ystynna an led dhe 17-39. Gans 10 mynysen gesys Hartpury a dhallathas derevel gwask rag aga peswara assay, ha kyn hwrug an Vorladron daskor niver a spalyow ogas dh’aga linen, an defens a synsas fast, yn unn witha Hartpury heb skor der an nessa hanter. Kyfeyth kynsa war an splytt yw gwiw mes an dehen war wartha a’n gwra marthys, k’ar dell wrug an seythves assay rag an Vorladron, skoryes ha treylyes gans Harvey Skinner dhe ri an skor finel – Hartpury 17, An Vorladron Gernewek 46.

Dhyworth dalleth drog-dharganus a 0-12 wosa 8 mynysen, an Vorladron a wolyas yn kerdh gans gwayn marthys.

Hartpury v Cornish Pirates

The first away match of the season was a local derby with Hartpury – a distance of 222 miles! Early pressure from Hartpury brought them a 7-0 lead after 5 minutes. A second Hartpury try extended their lead to 12-0. More pressure from Hartpury was making this is a real test for the Pirates’ resolve. A Robin Wedlake try followed by one by Callum Patterson 2 minutes later levelled the scores with the conversion giving the Pirates the lead. Westlake then intercepted a pass in his own 22 and ran the 80 metres to dot down. A Pirates penalty made it 12 -24 and Just on half-time the Harpury forwards rumbled over to keep them in it at 17–24. However, Cargill’s reliable kicking made all the difference.

A bonus Pirates try after 6 minutes of the second half brought the score to 17–29. Eves of Hartpury in stopping the Pirates illegally was shown a yellow card – a decison by the referee which was endorsed by the Pirates supporters. Continual Pirates’ pressure lead to Wedlake hat trick – 17–34. But Wedlake didn’t sit on his laurels and extended the lead to 17–39. With 10 minutes left Hartpury pushed hard for a fourth try and although the Pirates conceded a series of penalties close to their line, the defence held fast keeping Hartpury scoreless in the second half. Jam first on the split is proper, cream on the top makes it brilliant – as did the seventh try for the Pirates, scored and converted by Harvey Skinner to give the final score – Hartpury 17, the Cornish Pirates 46.

From an ominous position of 0-12 after 8 minutes, The Pirates sailed away with a great win.

An Vorladron Gernewek e. Coventry

Gans Coventry nowydh avonsys dhe’n Gampyorieth hag yn unn brena niver a warioryon a savon ughel, fyt kales a veu desevys. Henna a veu prevys der an kynsa pymp mynysen gans an dhew bara ow kwari orth toth men. Byttegens yth o an Vorladron a skoryas kynsa gans poot spal sewen gans Will Cargill. Ogas ha dhystowgh, Coventry a worthebis gans aga spal aga honen, 3-3. Wosa kwarter our nebes gwari krev gans an Vorladron a welas Tom Duncan tremena an linen rag kynsa assay an Vorladron. Coventry a besyas gwari gans gallos mes yth o an Vorladron a skoryas arta gans poot spal sewen gans Will Cargill. Ny wrug Coventry lehe aga assay mes poran dhe hanter termyn, an Vorladron a skoryas arta. Yn unn sewya linen duch, an bel a veu danvenys heb let a-hys an linen, ow korfenna gans Harry Strong neb a dremenas y’n gornel. Will Cargill o sewen gans an treylyans kales dhe wul an skor dhe hanter termyn 20-3 dhe’n Vorladron.

An nessa hanter a besyas yn kethsam maner gans an dhew bara ow strivya skorya, mes yth o an Vorladron neb a ynkressyas aga skor gans poot spal. Hemma a veu sewyes gans tressa assay rag an Vorladron hag yth o Tom Duncan arta neb a dremenas an linen. 28-3. Hwath nyns esa chanj vyth yn toth an gwari yn despit niver a gemerydhysi gwrys gans an dhew bara. Lemmyn rag an kynsa tro, Coventry a ylli terri defens an Vorladron ha kyns-Morlador Tom Kessel a skoryas y’n gornel. An treylyans o sewen dhe wul an skor 28-10. Byttegyns yth o an Vorladron a gavas an diwettha ger gans Sam Matevesi ow kwia der an defens Coventry hag yn unn gnoukya kopel dhe’n dor, a skoryas an assay poynt mas rag an Vorladron. Gans treylyans sewen gans Harvey Skinner, hemm o an skor finel – An Vorladron Gernewek 35, Coventry 10.

The Cornish Pirates v. Coventry.

With Coventry newly promoted and buying a number of players of a high standard, a hard match was expected. This was proved during the first five minutes with both teams playing at top speed. However, it was the Pirates who scored first with a successful penalty kick by Will Cargill. Almost immediately Coventry responded with a penalty of their own. 3-3. After a quarter of an hour some powerful play by the Pirates saw Tom Duncan cross the line for the Pirates’ first try. Coventry continued to play with power but it was the Pirates who scored again with a successful penalty kick by Will Cargill. Coventry never lessened their effort but exactly on half-time the Pirates scored again. Following a line-out the ball was sent unhindered along the line, finishing with Harry Strong scoring in the corner. Will Cargill was successful with the difficult conversion to make the score at half-time 20-3 to the Pirates.

The second half continued in the same manner with both sides striving to score, but it was the Pirates who increased their score with a penalty. This was followed by the Pirates’ third try and it was Tom Duncan again who crossed the line – 28-3. There was still no change in the speed of the play in spite of a number of replacements by both sides. Now for the first time, Coventry were able to breach the Pirates’ defence and former Pirate Tom Kessel scored in the corner. The conversion was successful to make the score 28-10. However, it was the Pirates’ who had the last word with Sam Matavesi weaving through the defence and after knocking a couple to the ground, scored the bonus point try for the Pirates. With a successful conversion, this was the final score – The Cornish Pirates 35, Coventry 10.

An Vorladron Gernewek e. Marrogyon Kardhana

Wosa rag-seson sewen, hemm o an prov gwiw. An Vorladron a dhallathas yn krev, yn unn spena brassa rann an kynsa deg mynysen a-ji dhe’n 22 Marrogyon. Byttegyns, yth o an Varrogyon neb a dennas kynsa goes yn unn wertha fekler hag orth y wul, ow kavos aswa ledan yn defens Morladron dhe weles an kynsa skor. Skon wosa hemma, an Vorladron a veu pewashes spal mes poot Will Cargill eth yn-mes an peulyow. Byttegyns an Vorladron a besya omsettya ha skon Sam Matavesi a dreusas an linen dhe wul an skor egwal, 7-7. Ogas ha distowgh an Varrogyon a skoryas aga nessa assay, hag arta an Vorladron a worthybis gans aga nessa assay i, 14-14. Dell hwarva kyns, an Varrogyan a dehwelis hag a skoryas aga thressa assay dhe synsi an led ynwedh arta. Mes ny via an Vorladron fethys ha kyns hanter-termyn i a skoryas aga thressa assay dhe dhri an skor egwall ynwedh. Ytho, dhe hanter-termyn yth o 21-21.

Gans hwegh assay skoryes y’n kynsa hanter, yth esa prederow yn-mysk an skoedhyoryon a lies moy y’n nessa hanter, mes dell hwarva, nyns esa marnas onan. An kynsa chons a godhas dhe’n Varrogyon neb a veu pewashes spal, mes aga foot a gronkyas erbynn an peul ha’n Vorladron a ylli klerhe aga linen. Gwari o mantollys lemmyn mes an Varrogyon a veu pewashes spal yn ewn a-dherag an peulyow ha ny wrug aga fotyer Charlie Folet fyllel. 24-21 dhe’n Varrogyon. Mes yth esa an mordid ow treylya tamm lemmyn ha’n Vorladron a skoryas aga feswara assay yn unn ri dhedha poynt mas ha’n led rag an kynsa tro, 28-24. Ena spal rag an Vorladron ha Will Cargill a veu gelwys dhe gemeres tenn orth an peulyow y’n pyth a wrug e’ seweni. Res o dhe’n Varrogyon lemmyn skorya assay treylyes dhe gavos orth an gwella, kesskor, mes ny wrug hemma hwarvos ha’n gam a worfennas – An Vorladron Gernewek 31, Marrogyon Kardhana 24.

The Cornish Pirates v. Doncaster Knights.

After a successful pre-season, this was the real test. The Pirates started strongly, spending the best part of the first ten minutes inside the Knights 22. However, it was the Knights who drew first blood in selling a dummy and finding a wide gap in the Pirates’ defence to see the first score. Soon after this the Pirates were awarded a penalty but Will Cargill’s kick went wide of the posts. However, the Pirates continued to attack and soon Sam Matavesi crossed the line to equal the scores, 7-7. Almost immediately the Knights scored their second try, and again the Pirates responded with their second try, 14-14. As happened before, the Knights returned and scored their third try to take the lead again. But the Pirates wouldn’t be beaten and before half-time they scored their third try to equal the scores again. So, at half-time it was 21-21.

With six tries scored in the first half, there were thoughts amongst the supporters of a lot more in the second half but as it happened, there was only one. The first chance fell to the Knights who were awarded a penalty but their kick hit the post and the Pirates were able to clear their line. Play was balanced now, but the Knights were awarded a penalty right in front of the posts and their kicker, Charlie Foley, didn’t fail. 24-21 to the Knights. But the tide was turning somewhat now and the Pirates scored their fourth try, giving them the bonus point and the lead for the first time, 28-24. Then a penalty for the Pirates and Will Cargill was called upon to take a shot at the posts which he did successfully. The Knights now had to score a converted try to draw at the best, but this wasn’t to happen and the game finished, The Cornish Pirates 31, Doncaster Knights 24.

An Vorladron Gernewek e. Albion Aberplymm

An vysyt ma dhe Aberplymm a brovis bos fytt pur gales rag an Vorladron, neb a gavas Albion ‘knowen grev’ dh’y krackya. Yth o para Morladron dyffrans yn tien a dhallathas dy’Sadorn es henna a fethas An Chyftens an seythen kyns, mes yth esens i skon owth omsettya orth an linen Albion. Byttegyns, an defens Albion a omsynsas fast hag a-dro dhe hanter fordh y’n kynsas hanter, yth o tro Albion dhe omsettya orth linen an Vorladron. Mes nebes yn-mes an 22, Morlader Maliq Holden a dhalghennas bel lows ha ponya y honen hys an park dhe ygeri folen skorya an Vorladron. Hemma a veu sewys gans gwayans skentyl gans hantrer skyrmys Alex Schwartz, neb a dhanvonas Alex o’Meara rag an nessa assay dhe wul an skor 12-0 dhe’n Vorladron dhe hanter-termyn.

Y’n nessa hanter Abion a-dhystowgh a omsettyas orth linen an Vorladron hag i a veu pewashes gans assay y’n gornel. Albion a besyas dhe worra gwask war linen an Vorladron hag y’n omdowl hag a sewyas linen duch, John Stevens a veu diskwedhys karten velyn rag ‘knouk dhe’n dor’ a-borpos yn unn ri y’n kettermyn assay spal dhe Albion. Lemmyn gans an skor 12-12, an diwettha ugens mynysen a dherivas termyn kales rag an Vorladron, mes nyns o pell kyns Dan Koster a bonyas tre yn-dann an peulyow, sewyes gans Harvey Skinner neb a worras an Vorladron dew skor a-rag gans spal – 12-22. Ny wrussa Albion omri ha pesya omsettya, mes yth o an Vorladron neb a gavas an diwettha ger gans assay – poot treus-park gans Harvey Skinner a veu kemerys yn perfydh gans Robyn Wedlake neb a skoryas ogas dhe’n peulyow. Skor finel: Albion Aberplymm 12, an Vorladron Gernewek 29.

The Cornish Pirates v. Plymouth Albion.

This visit to Plymouth proved to be a very hard match for the Pirates, who found Albion a ‘tough nut’ to crack. It was a completely different Pirates’ team that started Saturday to that which beat the Chiefs the week before, but they were soon attacking the Albion line. However, the Albion defence held fast and around the half-way mark in the first half, it was Albion’s turn to attack the Pirates’ line. But just outside the 22, Pirate Maliq Holden seized a loose ball and ran solo the length of the field to open the Pirates’ score sheet. This was followed by a clever move from scrum-half Alex Schwartz who sent in Alex o’Meara for the second try to make the score 12-0 to the Pirates at half-time.

In the second half Albion immediately attacked the Pirates’ line and were rewarded with a try in the corner. Albion a continued to put pressure on the Pirates’ line and in the maul following a line-out, John Stevens was shown a yellow card for a deliberate ‘knock down’ giving at the same time a penalty try to Albion. Now with the score at 12-12, the last 20 minutes heralded a hard time for the Purates, but it wasn’t long before Dan Koster ran home under the posts, followed by Harvey Skinner who put the Pirates two scores ahead with a penalty – 12-22. Albion would not surrender and continued to attack, but it was the Pirates who had the last word with a try – a cross-field kick by Harvey Skinner was perfectly taken by Robyn Wedlake who scored close to the posts. Final score: Plymouth Albion 12, The Cornish Pirates 29.

An Vorladron Gernewek e. An Chyftens Karesk

Rag an nessa fyt kowethek a’n seson nowydh, an park o ‘gwerthys dien’ – 3,000 skoedhyer – pub anedha gans mall meur dhe weles fyr marthys, ha ny vons i diswaytys! Karesk a worras para gans meur a brevyans ha nerth war an park, mes yth o an Vorladron hag a dennas an kynsa goes – wosa namoy es an tressa mynysen – gans Callun Patterson yn unn skorya y’n gornel. A-dhystowgh wosa an dastalleth, an Vorladron a skoryas arta yn-dann an peulyow. Dew assay a-ji dhe’n kynsa 5 mynysen! Skor, 12-0. Henna a veu sewyes skon gans spal – 15-0. Gwari o uskis penn dhe benn, gans an Vorladron yn unn skorya unn assay moy ha’n Chyftens dew assay. Ogas dhe hanter termyn, Kyle Moyle a veu res karten velyn – tamm ahweg y’m brys – ha der an spal a sewyas, Karesk a skoryas aga thressa assay. Hanter termyn ha 22-21 dhe’n Vorladron.

Yth esa pub huni ow tesevos Karesk dhe gemeres prow a’n 8 mynysen gans Kyle y’n trog-drog, mes an Vorladron a’s teva tybyansow dyffrans ha nagha Karesk skor. Yn gwir, an Vorladron o mar vreselus es dell yns i kyns, ha wosa 60 mynysen, i a skoryas aga feswara assay, gans Christian Judge yn unn gemeras an bel orth toth men ha skorya ogas dhe’n peulyow, yn unn gemeres dew warier Karesk dres an linen ganso. Lemmyn an dhew bara a wrug devnydh a lies arlehor, ha kyn wrug an Chyftens aga gwella, ny yllens i terri defens an Vorladron. Y’n lakka prys, gans pymp mynysen gesys, Sam Morley a Garesk a wodhevis pystik drog ha res o dhodho bos kemerys a-dhiworth an park war rava. An Chyftens a vatalyas yn kales, mes gans spal dhe Vorladron, an bel a veu potyes yn tuch, ha’n gam o gorfennys. Skor finel, 29-21, ha gwayn kowrek rag an Vorladron.

The Cornish Pirates v. Exeter Chiefs.

For the second friendly match of the new season, the ground was a ‘sell-out’ – 3,000 supporters – all of them expecting a great game, and they weren’t disappointed! Exeter put out a team with plenty of experience and strength, but it was the Pirates who drew the first blood – after only the third minute with Callum Patterson scoring in the corner. Right from the restart, the Pirates scored again under the posts. Two tries in the first 5 minutes! Score, 12-0. That was followed soon after with a penalty – 15-0. Play was fast end-to-end, with the Pirates scoring another try and the Chiefs scoring two. On almost half-time, Kyle Moyle was given a yellow card – rather harsh to me – and from the resulting penalty, Exeter scored their third try. Half-time and 22-21 to the Pirates.

Everyone was expecting Exeter to take advantage of the 8 minutes with Kyle in the sin-bin, but the Pirates had different ideas, denying Exeter a score. In fact, the Pirates were as aggressive as they were before, and after 60 minutes they scored their fourth try, with Christian Judge taking the ball at full speed and scoring near to the posts, taking two Exeter players over the line with him. Now both teams made use of plenty of substitutes, and although the Chiefs did their best, they couldn’t break the Pirates’ defence. Unfortunately, with five minutes to go, Exeter’s Sam Morley suffered a bad injury and had to be taken off the field on a stretcher. The Chiefs battled hard, but with a penalty to the Pirates, the ball was put into touch, and the game was over. Final score, 29-21, and a gigantic win for the Pirates.